ah@lah.is 659-0446
Lögmannsstofa Auðuns Helgasonar tók til starfa 1. september 2015 og er til húsa á tveimur stöðum, að Litlubrú 1 á Höfn og Fjarðagötu 13-15 í Hafnafirði. Eigandi stofunnar er Auðun Helgason, héraðsdómslögmaður.
Auðun lauk meistaraprófi í lögfræði og fullnaðarprófi í lögfræði frá lagadeild Háskólans í Reykjavík í júní 2013 og fékk leyfi til að vera héraðsdómslögmaður í október 2014. Auðun starfaði áður hjá JP Lögmönnum 2011-2012 og CATO Lögmönnum 2013-2015. Auðun hefur sérhæft sig á sviði stjórnsýsluréttar, skaðabótaréttar, vátryggingaréttar, félagaréttar og samninga- og kröfuréttar.
Auðun hefur mikla reynslu af málaflokkum er varða starfsemi sveitarfélaga, s.s. umhverfis- og skipulagsmálum, starfsmannamálum og útboðsmálum, auk þess að hafa víðtæka þekkingu og reynslu af ráðgjöf til fyrirtækja í tengslum við val á vátryggingum, gerð vátryggingasamninga og útboð á vátryggingum. Jafnframt sinnir Auðun almennum lögfræðistörfum og málflutningi.
Auðun starfaði á fyrirtækjasviði Sjóvá á árunum 2005-2008. Fyrir þann tíma var hann atvinnumaður í knattspyrnu í Sviss, Noregi, Belgíu og Svíþjóð á árunum 1997-2005 og á hann samtals 59 landsleiki að baki fyrir landslið Íslands. Auðun útskrifaðist af hagfræðibraut Verzlunarskóla Íslands í maí 1994. Auðun er fæddur 18. júní 1974.
Opnunartími stofunnar er alla virka daga frá kl. 8:00-16:00.